Ana Ki Baat Hai Warna Mohabbat Ab B Baki Hai,

Ana Ki Baat Hai Warna Mohabbat Ab B Baki Hai,
Usay Meri Mujhe Uski Zarorat Ab B Baki Hai,

Koi Mushkil Agar Darpaish Aaye Laut Ana Tum,
Tumhare Waste Dil Mein Aqeedat Ab B Baki Hai,

Bala Ki Sard Mohri Hai Meri Har Baat Mein Lekin,
Mere Seenay Mein Chaht Ki Hararat Ab B Baki Hai...

Alfaz kay jhootay bandhan mein

Alfaz kay jhootay bandhan mein

Aghraz kay gehray pardon mein

Har shakhs muhabbat kerta hai

Hala kay muhabbat kuch bhi nahi

Sab jhotay rishtay naatay hain

Sab dil rakhnay ke batain hain

Sab asli roop chupatay hain

Ehsas se khali loog yahan

Lafzon kay teer chalatay hain

Ik bar nazar mein aa kar wo

Phir sari umar rulatay hain

Ye ishq-o-muhabbat mehr-o-wafa

Sab rasmi rasmi batain hain

Her shakhs khudi ke masti mein

Bas apni khatir jeeta hai

Apni tanhaiyon se poocha hai

Apni tanhaiyon se poocha hai
Shab-e-hijran se baat ker li hai
Mere andar ki sehmi khamoshi
Mere bahir ka hansta chehra bhi
Raat ke sansanate lamhe bhi
Din ka dasta huwa ujala bhi
Zabt ka toot’ta yeh bandhan bhi
Sabar ka choot’ta yeh daman bhi
Uss ki yaadein bhi kuch isharon mein
Mujh ko majboor ker rehe hein sab…
Aao uss ke paas chalte hein
Uss se kehte hein kuch dawa ker dey
Apni fitrat ko chor ker ek pal
Koi wada tau woh wafa ker dey
In ki baaton se kuch nahi ho ga
Aakhri faisla tau dil ka hai
Dil yeh kehta hai…uss se milne se
Apni tanhaiyan he acchi hein
Ab akele mein lag gya hai dil
Uss se milne hamein nahi jana
Uss ki baatein udas ker dein gi

Wo Aksar MujhSe Kehti Thi…

Wo Aksar MujhSe Kehti Thi…
“WAFA HAI ZAAT AURAT KI
Magar Jo Mard Hote Hain
Bohat Be-Dard Hote Hain
Kisi Bhanwre Ki Soorat Gul Ki Khushbu Loot Lete Hain
Suno Tum Ko Qasam Meri !
Riwaayat Tor Dena Tum
Na Tanha Chhor Dena Tum
Na Ye Dil Tor Ke Jaana…”
Magar Phir Yun Hua Hamdam !
Mujhe Anjaan Raste Par Akela Chhor Kar UsNe
Mera Di…l Tor Kar UsNe Muhabbat Chhor Di UsNe
“WAFA HAI ZAAT AURAT KI”
Riwaayat Tor Di Usne

Tumhein jo besabab mujh se khafa hone ki aadat hai,

Tumhein jo besabab mujh se khafa hone ki aadat hai,

Ye aagaz-e-judai hai k andaz-e-mohabbat hai,

Wafa k rung mai dekho jafa achhi nahi hoti,
…
Kisi se pyar ma itni ana achi nahi hoti,

Faqat kehnae ki batein hain,
nibhata kon hai kisko?

Chalo ab daikh letein hain,
Manata kon hai kis ko

Kaha Tha Na K Youn Sote Hue

Kaha Tha Na K Youn Sote Hue
Mat Chor K Jana

Mujhy Beshak Jga Dena
Bta Dena
Tumhain Rasta Badalna Hai
Meri Had Sy Nikalna Hai
Tumhain Kis Baat Ka Dar Tha

Main Tumhain Jane Nahi Deta
Kahin Py Qaid Kr Leta

Ary Pagal Mohabat Ki Tabiat Main
Zabardasti Nahi Hoti
Jisy Rasta Badalna Ho
Usy Rasta Badalny Se
Jisy Had Sy Nikalna Ho Usy Had Sy Nikalny Sy

Na Koi Rok Raya Hai Na Koi Rok Paye Ga

Tu Tumhain Kis Baat Ka Dar Tha

Mujy Beshak Jaga Dety
Me Tumko Dekah He Leta
Tumhain Koi Dua Deta
Kamazkam Youn Tu Na Hota

Mery Sathi Ye Haqiqat Hai
Tumhary Baad Khone K Lie
Kuch Bhi Nai Baki

Magar Main Khone Sy Darta Hoon

Main A Sony Sy Darta Hoon

Kaha Tha Na Youn Chor Kr Mat Jana


!!!!!!!!!!!!!!!!!!!!!!!!!!!!!!!!!!!!!!!

>>>>>>>>>>>>>>>>>>>>>>>>>>>>>>>>>

<<<<<<<<<<<<<<<<<<<<<<<<<<<<<<<<<

Wo shab zada si ajeeb larki,

Wo shab zada si ajeeb larki,

wo shab k gehre libaas main thi,

tamam lamhon k sab ravaiyon ko janti hai ,

wo sochti tou bohat saliqe se sari uljhan sulajh si jati,

wo mere maathay pe apni ungli se mout likhti,

main mar hi jata,

wo mere maathe pe apni ungli se zindagi ko khurachne lagti,

main jee sa jata,

wo baat karti tou us ke hounton se lafz,

titli ki tarha urney lagtay,

main titliyon ko pakarne lagta,

wo apne andar hazar mousam,hazar rang,

hazar khushboo liye hoe hai,

magar bazahir wo apne lehje ko,

apne chehre ko, apni aankhon ko ,

apni baatoun ko aam logon ki tarha rakhti,

wo shab zada si ajeeb larki.....

wo jab shararat main mujh sy koi mazak karti,

main apne andar khubsoorat sa hone lagta,

wo apni chotti si umer main bhi ,

bohat saliqe se jee rahi hai,

bari tasali se jee rahi hai,

kabhi wo baaton ko khud barhaati,

kabhi wo baaton ko khud ghataati,

kabhi wo chehra daraz kar k ,

mujhe ye kehti,

perho na mujh ko ,

ajeeb larki!

kabhi tou itni ajeeb hoti,

zara si baaton pe rooth jati,

kabhi mujh ko wo apni daraz fehrist se kaat daiti,

kabhi wo mujh pe nisaar ho kar barasne lagti ,

barasti rehti....

meri judai main nakhunon ko kutarnay lagti ,

Tarasti rehti...

ye sari baataen baja hain lakin,

wo sab zada si ajeeb larki..

kabhi jo darti tou itna darti,

k apne saaey se bhi dar ke girti,

phir us ke aankhon sy girte aansoo,

usay ye kehte k doob jao,

wo doob jati...

phir apni aadat pe hansnay lagti,

ajeeb larki...

najanay ab wo kahan pe hogi,

Wo Shab Zada Si Ajeeb Larki !!

hazaaron Khvaahishen aisii ki har Khvaaish pe dam nikale

hazaaron Khvaahishen aisii ki har Khvaaish pe dam nikale
bahut nikale mere armaaN lekin phir bhii kam nikale

nikalanaa Khuld se aadam kaa sunate aaye hain lekin
bahut beaabaruu hokar tere kuuche se ham nikale

muhabbat men nahiin hai farq jiine aur marane kaa
usii ko dekh kar jiite hain jis kaafir pe dam nikale

Khudaa ke vaaste pardaa na kaabe se uThaa zaalim
Kahiin aisaa na ho yaaN bhii vahii kaafir sanam nikale

KahaaN maiKhaane ka daravaazaa 'Ghalib' aur kahaaN vaaiz
par itanaa jaanate hain kal vo jaataa thaa ke ham nikale

Tu ney deewana banaya tu mien deewana bana

Tu ney deewana banaya tu mien deewana bana
ab mujhey hosh ki dunya mien tamasha na bana

yousaf e misr e tammanna tere jalwoon ke nisar
meri bedariyon ko khuwab e zulekha na bana

zoq e barabadiey e dil ko bhi na kar tu barbad
dil ki ujari hui bigri hui dunya na bana

ishq mien deeda o dil sheesha o pemana bana
jhoom kar beth gaey hum wahien maykhana bana

yeh tamanna hai ke aazad e tamnna hee rahoon
dil e mayous ko manoos e tamanna na bana

nigah e naaz se poochein gey kisi din yeh "Zaheen"
tu ne kiya kiya na banaya koi kiya kiya na bana

♥Agar Mohabbat Yehi Hai Jaana To Maaf Karna Mujhay Nahin Hai♥

♥Agar Mohabbat Yehi Hai Jaana To Maaf Karna Mujhay Nahin Hai♥

Libas Tan Se Utaar Dena,
Kisi Ko Banhon Ke Haar Dena,
Phir Uske Jazbon Ko Maar Dena,
Ager Mohabat Yehi Hai Jana To Maaf Karna Mujhe Nehi Hai

Gunah Karne Ka Soch Lena,
Haseen Pariyan Daboch Lena,
Phir Uski Aankhein Hi Noch Lena,
Ager Mohabat Yehi Jana To Maaf Karna Mujhe Nehi Hai

Kisi Ko Lafzon Ke Jaal Dena,
Kisi Ko Jazbon Ki Dhaal Dena,
Phir Uski Izzat Uchaal Dena,
Ager Mohabat Yehi Hai Jana To Maaf Karna Mujhe Nehi Hai

Andhair Nagri Mein Chalty Jana,
Haseen Kaliyan Masalty Jana,
Aur Apni Fitrat Pe Muskurana,
Ager Mohabat Yehi Hai Jana To Maaf Karna Mujhe Nehi Hai 

Dayar-e- Gair Mein Kese Tujhy Sada Detay….

Dayar-e- Gair Mein Kese Tujhy Sada Detay….
Tu Mil Bhi Jata Tou Tujhy Gawa Detay….
Tumhi Ny Humko Sunaya Na Apna Dukh Warna….
Dua Wo Karty Kay Hum Apna Aasman Hila Detay….
Wo Tera Gham Tha Kay Taseet Mere Lehje Ki….
Kay Jisko Haal Sunaty Usy Rula Detay….
Tumhe Bhulana Hi Awal To Dastras Mein Nahi….
Jo Ikhtyar Bhi Hota Tou Kya Bhala Detay….
Tumhari Yaad Ne Koi Jawab Hi Na Diya….
Mere Khayal Kay Aansoo Rahy Sada Detay….

Diya hai dil ager usko,baser hai kya kahiye

Diya hai dil ager usko,baser hai kya kahiye

Hua raqib to ho, naamber hai, kya kahiye.

Ye zid ki aj na aaye, aur aaye bin na rahe

Kaza se shikwa hamain kis kader hai kya kahiye.

Rahe karishma ki, yuon de rakha hai humko fareb

Ki bin kahe he unhe sab khaaber hai, kya kahiye.

Rahe karishma ki, yuon de rakha hai humko fareb

Ki bin kahe he unhe sab khaber hai kya kahiye.

Kaha hai kisne ki ‘ Ghalib ‘ bura nahin lekin

Siwaiye iske ki aashutaser* hai ky kahiye.  

Dard kam hone laga aao ke kuch raat kate

Dard kam hone laga aao ke kuch raat kate

Gham ki miaad badha jaao ke kuch raat kate

Hijr mein aah-o-baka sa kuhan hai lekin

Aaj yeh rasm hi dohrao ke kuch raat kate

Yun to tum roshni qalb-o-nazar ho lekin

Aaj who mojezah dikhlao ke kuch raat kate

Dil dukhaata hai who milkar bhi magar aaj ki raat

Usi be-dard ko le aao ke kuch raat kate

Dam ghuta jaata hai afsurda dili se yaaro

Koi afvah hi phailao ke kuch raat kate

Main bhi bekaar hun aur tum bhi ho viran bahot

Doston aaj na ghar jaao ke kuch raat kate

Chod aaye ho sarshaar use kyun NAASIR

Use phir ghar se bula lao ke kuch raat kate

Araish-e-khayal bhi ho dilkusha bhi ho

Araish-e-khayal bhi ho dilkusha bhi ho

wo dard ab kahan jise ji chahta bhi ho

ye kya k roz ek sa gham ek si ummid

is ranj-e-bekhumar ki ab inteha bhi ho

ye kya k ek taur se guzre tamam umr

ji chahta hai ab koi tere siwa bhi ho

tute kabhi to khwab-e-shab-o-roz ka tilism

itne hujum main koi chehra naya bhi ho

diwangi-e-shauq ko ye dhun hai in dinon

ghar bhi ho aur be-dar-o-diwar sa bhi ho

juz dil koi makan nahi dahar main jahan

rahzan ka khauf bhi na rahe dar khula bhi ho

har zarra ek mahmil-e-ibrat hai dasht ka

bhala-sa ho to hamain dekhta bhi ho

har shay pukarti hai pas-e-parda-e-sukut

lekin kise sunaun koi hamnawa bhi ho

fursat main sun shaguftagi-e-guncha ki sada

ye wo sukhan nahi jo kisi ne kaha bhi ho

Is Sham wo Rukhsat ka Sama Yaad rahe ga

Is Sham wo Rukhsat ka Sama Yaad rahe ga

Wo Shehar, wo koocha, Wo Makaa’n yad rahe ga

Wo Tees K ubhri thi idhar Yaad rahe gi

Wo dard k Utha tha Yaha Yaad rahe ga

Hum Shoq k Sholey ki Lapak Bhool bhi Jayein

Wo Shama Fasoorda Ka Dhuwa yad rahe ga

Haan Bazm-e-Shabana mein Hume Shoq Jo is din

Hum to Teri Janib -e- nigraa’n yaad rahe ga

Kuch meer k Abiyat thay , Kuch FAIZ k Misray

Ik dard ka tha Jin mein Biyaa’n Yaad rahe ga

Jaa’n Bakhash si is Barg -e- gull taar ki Tarawat

Wo Lamas Aazeez-o-Do Jahaa’n yaad rahe ga

Hum Bhool sake hain Na Tujhe Bhool sakein gey

Tu yaad rahe ga , Hume Haan Yaad rahe ga

Hai bas k har ik un k ishare mein nishan aur

Hai bas k har ik un k ishare mein nishan aur
karte hain muhabbat to guzarta hai guman aur

ya rab wo na samjhe hain na samajhenge meri bat
de aur dil un ko jo na de mujhko zuban aur

abaru se hai kya us nigah -e-naz ko paiband
hai tir muqarrar magar us ki hai kaman aur

tum shahar mein ho to hamein kya gam jab uthenge
le ayenge bazar se jakar dil-o-jan aur

har chand subukdast hue butshikni mein
ham hain to abhi rah mein hai sang-e-giran aur

hai khun-e-jigar josh mein dil khol k rota
hote kai jo dida-e-khunnabafishan aur

marta hun is awaz pe har chand sar ur jaye
jalad ko lekin wo kahe jaye k han aur

logon ko hai khurshid-e-jahan tab ka dhoka
har roz dikhata hun main ik dag-e-nihan aur

leta na agar dil tumhen deta koi dam chain
karta jo na marta koi din ah-o-fugan aur

pate nahi jab rah to char jate hain nale
rukti hai meri taba to hoti hai rawan aur

hain aur bhi duniya mein sukhanawar bahut ache
kahte hain ki 'Ghalib' ka hai andaz-e-bayan aur

Dard kuch dair hi rehta hai

Dard kuch dair hi rehta hai buhat dair nahi
Jis tarah shaakh se toray huay aik pattay ka rang
Mand par jata hai kuch roz alag shaakh se reh kar
Shaakh se toot ker yeh dard jeeye ga kab tak…?
Khatam ho jaye gi jab is ki rasad…
Timtimaye ga zara dair ko bujhtay bujhtay…
Aur phir lambi si aik sans dhuan ki le kar…
Khatam ho jaye ga,yeh dard bhi bujh jaye ga
Dard kuch dair hi rehta hai,buhat dair nahi

Loog Loog Hote Hein

Loog Loog Hote Hein
Roshni Ki Khuwahish Main
Yahan Sadaein Laane Ki 
Kuch Saza To Milti Hai
Loog Loog Hote Hen



Loog Loog Hote Hein

In Ko Kya Khabar Jana Ap K Eradoon Ki
Khub'suraat Ankhoon Main
Bas'ne Waloon Khuwaboon K
Rang Kaisay Hote Hein
Loog Loog Hote Hein


Dil Ki Goud Ankhoon Main Pal'ne Walay Khuwaboon K
Zakhaam Kaisay Hote Hein
Kitne Geh'ray Hote Hein
Kab Yeh Soch Sakhte Hein
Ayesee Bai'Ghu'naa Ankhen
Ghar K Konay'Khud'ray Main Laag Kar
Kitna Roote Hen
Phir B Yeh Apne Jaisay Kisi
Ghaam'Zada Dil Say Lag K Rooone Lagte Hein
Loog Loog Hote Hein


Toh'matein To Lagti Hain
Roshni Ki Khuwahish Mein

Toh'matoon K Lagne Say
Dil Say Dost Hoo Jaana
Ab Nee'Dhaal Kya Karna
Tohmatoon Say Kya Darna..!

Zindagi ke jitney darwazy hain

Zindagi ke jitney darwazy hain mujh par band hain
Dekhna 
Hadd-e-nazar se aagy barh kar dekhna bhi jurm hy 
Sochna 
Apne aqeedo’N aur yaqeeno’N se nikal kar sochna bhi jurm hy 
“Kyun” bhi kehna jurm hy 
“kese” bhi kehna jurm hy 
Sans lene ke to aazadi muyassar hy……..magar 
Zianda rehny k liay insaan ko…….kuch “aur” bhi darkaar hy 
Aur…….is kuch “aur” bhi ka tazkira bhi jurm hy 
Aey hunar mandaan-e-aaeen-o-sayasat 
Aey khuda vandaan-e-eewan-e-aqaid 
Zindagi ke naam par, bas ik inayat chahiay 
Mujh ko in sary jarayam ke ijazat chahiay

main tu us waqt se darta hoon

main tu us waqt se darta hoon k koi poch na le
ye agar zabt ka aanso tha tu tapka kaise…!!

Dil Ke Aayine Mein Mujhko Saja Liya,

Dil Ke Aayine Mein Mujhko Saja Liya, 

Jabse Maine Tujhko Apna Bana Liya, 

Chand Taaron Mein Nazar Aye Chehra Tera, 

Jab Se Mere Dil Pe Hua Hai SanaM Pehra Tera, 

Ek Dooje Ke Dil Mein Apna Ghar Banana Hai, 

Teri Khatir Sab Hi Hadon Se Guzar Jana Hai, 

Tujhse Lipta Rahunga Bankar Kangna Tera, 

Chand Taron Mein Nazar Aaye Chehra Tera, 

Pyaar Mein HuM SanaM Ye Sara Jag Bhula Denge, 

Mar Ke Waade Chahaton Ke HuM Nibha Denge, 

Jaanse Bhi Mujhe Hai Pyara Sajna Mera, 

Chand Taron Mein Nazar Aaye Chehra Tera...

la phir ik baar wohi bada-o-jaam ay saqi

la phir ik baar wohi bada-o-jaam ay saqi
haath aa jaye mujhe mera maqaam ay saqi

teen so saal se hein hind ke maikhane bund
ab munasib hai tera faiz ho aam ay saqi

meri meenaye ghazal mein thi zara si baqi
shaikh kehta hai ke hai yeh bhi haram ay saqi

sher mardo se howa beshae tehqeeq tahi
reh gaye sufi-o-mulla ke ghulam ay saqi

ishq ki tegh-e-jigardar urali kis ne?
ilm ke haath mein khali hai nayam ay saqi

seena roshan ho to hai soz-o-sukhan ain hayat
hona roshan to sukhan marg-e-dawam ay saqi

tu meri raat ko mehtaab se mehroom na rakh
tere paimane mein hai maahe tamaam ay saqi

la phir ik baar wohi bada-o-jaam ay saqi
haath aa jaye mujhe mera maqaam ay saqi...

Chhoota Jo Tera Haath Tou Hum Toot Ke Roye

Chhoota Jo Tera Haath Tou Hum Toot Ke Roye
Tum Jo Na Rahay Saath Tou Hum Toot Ke Roye

Chaahat Ki Taman'na Thi Aur Zakhm Diye Tum Ne
Paayi Jo Yeh Saughaat Tou Hum Toot Ke Roye

Imkaan Na Tha Duur Talak Tajdeed-e-Ta'alluq Ka
Dekhay Jo Yeh Haalaat Tou Hum Toot Ke Roye

Anjaan Thay Hum Ab Tak Dard Ki Soorat Se
Hui Jo Mulaaqaat Tou Hum Toot Ke Roye

Jeeti Thi Sadaa Hum Ne HAr Baazi Teray Saath
Tanha Jo Sahi Maat Tou Hum Toot Ke Roye

Logo'n Ne Bahut Poochha Sabab Veraani-e-Dil Ka
Jab Ho Na Saki Baat Tou Hum Toot Ke Roye

Thi Dhoop Bahut Taiz Har Simt Judaayi Ki
Barsi Jo Na Barsaat Tou Hum Toot Ke Roye

Zad Mein Tha Khizaao'n Ki Ab Ke Dil-e-Barbaad
Bichhrray Jo Shajar-Paat Tou Hum Toot Ke Roye

Din Bhar Tou Rahay Chup Keh Duniya Ki Nazar Thi
Bheegi Jo Siaah Raat Tou Hum Toot Ke Roye

Samjha Tha Sadaa Tujh Ko Apna He Koi Hissa
Tukrro'n Mein Bati Zaat Tou Hum Toot Ke Roye

Hum Kartay Rahay Aaj Talak 'Uss Chaand' Ki Khwahish
Yaad Aayi Jo Auqaat Tou Hum Toot Ke Roye


Post By : Muhammad Zeeshan